Zurnee mondiale pou l’eradication pauvrete : Message CEO

Azordi, mardi 17 Oktob 2023, nou pe observe la zurnée mondiale pou l’éradication pauvreté. Ene la zurnee qui interpelle nou en ce qui concerne bane conditions difficiles dans ki ban fami a travers le monde pe viv.  La pauvreté c’est ene barrière qui empes dimoune réalise zot potentiel, ene cycle vicieux ki affecter tout bane générations.

Dapré bane chiffre Nation Unies, fin 2022, 8.4 % population mondiale, ki represente 670 million dimoune, ti p vive dan pauvrete extreme. Et li estimé ki ziska 2030 pou enkor ena 7% population global, soit environ 575 million dimoune ki pu enkor trouv zot dans la pauvrete.

Dans ene le monde kot ena otan progres technologique et development economique, li pa normal ki ena autant dimoune ki p souffert bane consequences la pauvreté.

Theme ki fine soizir par les Nations Unies pour lánnee 2023  ‘Travail décent et protection sociale pour mettre la dignité en action’.

Foder pa ou blier kan ene dimoune ena ene travail decent, li vine independant, et sa amene la dignité dan so lavi.

A la NEF, nou ena tou bane zoutil pou nou aide sa bane dimoune la surmonte zot difficultes. Nou bizin fer tou pou pa laisse personne a l’arriere. A travers tou nou bane programmes soutient, anou rehausse lavi nou bane beneficiaires et crée bane conditions favorable ki permet saken vivre dans la dignité.

En sa la journee la, anou reaffirme nou léngagement enver bane dimoune ki viv dans bane situations difficiles. Ensam avec le ministere et gouvernement anou fer tou pou nou aide sa bane dimoune la sorti depi la pauvrete et amene ene lavie decent.

Surmonte la pauvrete li pa impossible, mais li demande détermination, coopération ek ene vrai l’engagement pou amene ene changement.