FORMATION ENTREPREUNARIAT A 14 BENEFICIAIRES NEF

14 beneficiares NEF zot parmi ene group de 25 madames ki p recevoir formation lor entreprenariat dan Glamis Business School, Quatres Bornes. Ene initiative de Fondation Espoir Développement Beachcomber sous so ‘Women Empowerment Programme’ en collaboration avec National Empowerment Foundation.

Lekip de la NEF diriger par le CEO Hans Margueritte fine rend ene visite a sa bane madames la azordi. Li fine encourage zot pou develop zot competences et perseverer dan zot demars pou vine autonome.

But sa formation la c’est soutenir bane madames 18 à 45 ans ki gagne ene revenue moins ki Rs 25 000 par mois et ki envi lance zot prop business. Zot pou gagne formation lor couma developpe zot l’idee commerciale et couma fer zot business grandit. A la fin sa cours la zot pou ena tou bane connaissance pu monte 1 business et gagne ene revenue al la fin du mois. Formation la ki fine commencer en aout sa l’annee la et li pou continier ziska fevrier l’annee prochaine.

La NEF fine alloué ene somme Rs 300 à sak participant pou sak session pou couvert zot bane depenses couma transport et manzer et aussi pou encourage zot al de l’avant avec sa cours la.

Financement total la NEF dans sa projet la li estimée à environ Rs 201 600 pou 48 sessions.